Resultatet er «1349 – Det kom eit skip til Bjørgvin», ei framsyning som tek utgangspunkt i ei av dei mest dramatiske hendingane i norsk historie og fyller henne med song, humor, kjærleik og menneskelege feilvurderingar av det slaget som gjerne får større konsekvensar enn ein hadde sett for seg.

At vi får fortelje denne historia i Marinehagen, med sjøen tett på kjennest heilt rett. Her møtest byen si historie og notida på same stad. Og skulle du undervegs oppdage at svartedauden eigentleg eignar seg overraskande godt som musikal, er du ikkje den første. 

Velkomen til ein kveld med pest, prakt, musikk og bergensk forteljarglede. Vi gler oss til å dele opplevinga med dykk. 

Solrun Toft Iversen
Teatersjef, Den Nationale Scene